म्हैशाळचे पाणी न मिळाल्यास घेरडी येथील सर्व शेतकरी समवेत तीव्र आंदोलन करू – युवक नेते बयाजी लवटे

प्रतिनिधी (शशिकांत कोळी): घेरडी, ता. सांगोला, जि. सोलापूर. येथील शेतकऱ्यांनी कार्यकारी अभियंता यांच्या कडे पाण्याची मागणी करून 2 महिने होऊन गेले.तरी सुद्धा घेरडी हद्दीतील पाणी आले नाही.सदर पाण्यासाठी शेतकऱ्यांनी बँकेत डी.डी. काढले असून तरी सुद्धा अधिकारी पाणी सोडण्यास टाळा टाळ करीत आहेत.

या संदर्भात तहसीलदार सांगोला,कार्यकारी अभियंता सांगोला, सांगोला तालुक्याचे विदयमान आमदार डॉ. बाबासाहेब देशमुख यांना घेरडी शेतकरी यांच्या वतीने निवेदन दिले असून आमदार साहेब यांनी म्हैशाळचे अधिकारी यांच्याशी फोनवरून संवाद साधला असून त्यांना दोन दिवसात पाणी सोडू असे सांगितले आहे तरी आम्हास दोन दिवसात पाणी मिळावे अन्यथा दि 17 मार्च 2025 रोजी पासून पाणी मिळे पर्यंत सहाय्यक कार्यकरी अभियंता म्हैशाळ कालवा क्रमांक 1 सांगोला येथे उपोषणास बसणार आहोत.