सांगोला (प्रतिनिधी) : राष्ट्रीय स्तरावरील प्रतिष्ठित जेइइ (मेन) 2026 – सेशन 1 परीक्षेत सांगोला येथील सक्सेस क्लासेस यांनी उल्लेखनीय यश संपादन केले आहे. दरवर्षी गुणवंत निकालांची परंपरा कायम राखत यंदाही संस्थेच्या विद्यार्थ्यांनी उच्च एन.टी.ए. स्कोअर मिळवत सांगोल्याच्या शैक्षणिक क्षेत्रात मान उंचावला आहे.
यंदाच्या निकालात गणित विषयात विशेष उज्ज्वल कामगिरी नोंदवली गेली आहे. चि. हजारे वैभव गोरख यांनी गणितात 96.12 एन.टी.ए. स्कोअर मिळवत उत्कृष्ट यश संपादन केले. स्पर्धात्मक परीक्षांमध्ये गणित हा निर्णायक विषय मानला जातो. या विषयात 96 पेक्षा अधिक गुण मिळवणे ही उल्लेखनीय बाब आहे.
कु. सिद्धी पंकज इकारे यांनी गणित विषयात 83.51 एन.टी.ए. स्कोअर मिळवून सातत्यपूर्ण अभ्यासाचे फलित सिद्ध केले. तसेच चि. सोहम पांडुरंग माने यांनीही गणितात 83.51 एन.टी.ए. स्कोअर मिळवत सक्षम तयारीचे दर्शन घडवले.
चि. मुलाणी असद सरफराज यांनी एकूण 93.71 एन.टी.ए. स्कोअर मिळवत सर्वांगीण उत्कृष्ट कामगिरी केली. त्यांच्या विषयानुसार गुण पुढीलप्रमाणे आहेत — फिजिक्स 93.75, केमिस्ट्री 93.16 आणि मॅथेमॅटिक्स 74.25. फिजिक्स व केमिस्ट्री या दोन्ही विषयांत 93 पेक्षा अधिक गुण मिळवणे ही विशेष उल्लेखनीय बाब ठरली आहे.
सक्सेस क्लासेस ही संस्था संकल्पनांवर आधारित अध्यापन, नियमित टेस्ट सिरीज, स्वतंत्र गणित सराव सत्रे, वैयक्तिक मार्गदर्शन आणि वेळेचे योग्य नियोजन यामुळे विद्यार्थ्यांमध्ये राष्ट्रीय स्तरावर स्पर्धा करण्याचा आत्मविश्वास निर्माण करते. याच भक्कम शैक्षणिक पायावर हे यश मिळाल्याचे मत पालक व विद्यार्थी व्यक्त करत आहेत.
दरम्यान, जेइइ (मेन) सेशन 2 मध्ये आणखी चांगले यश मिळवण्याच्या दृष्टीने संस्थेत विशेष मार्गदर्शन व प्रगत टेस्ट सिरीज सुरू करण्यात आल्या असल्याची माहिती देण्यात आली.
सांगोला परिसर आणि राज्यातील बातम्या आणि माहिती सर्वात प्रथम मिळवण्यासाठी तुमच्या Whatsapp ग्रुपवर 78418 55301 हा आमचा नंबर समाविष्ट करा.
-
'सांगोला लाईव्ह'ला बातम्या व जाहिरात देण्यासाठी आजच संपर्क करा : 78418 55301
-
सोशल मीडियावर फॉलो करा -यूट्यूब, इन्स्टाग्राम आणि फेसबुक
