आलदर हॉस्पिटलच्या वतीने शिरभावी येथे मोफत आरोग्य तपासणी शिबिर संपन्न

डॉ. महावीर आलदर यांच्या आलदर हॉस्पिटलच्या वतीने श्री योगीराज सदगुरु भवानगिरी महाराज संजीवन समाधी सोहळ्यानिमित्त शिरभावी येथे आज दि.१५ जून रोजी बालकांचे मोफत आरोग्य तपासणी व मोफत औषध उपचार शिबिर आयोजित करण्यात आले होते.

या शिबिराचा ११० रुग्णांनी लाभ घेतला. यावेळी डॉ. महावीर आलदर यांनी महात्मा ज्योतिराव फुले जनआरोग्य योजना व आयुष्मान भारत प्रधानमंत्री जनआरोग्य योजनेच्या संदर्भात रुग्णांना व त्यांच्या पालकांना आरोग्यांविषयी माहिती दिली.

तसेच यावेळी त्यांनी लहान बालकांना होणारे आजार व घेण्याची काळजी व आलदर हॉस्पिटल मधे नवजातशिशु अतिदक्षता विभाग, लहान बाळासाठी अतिदक्षता विभाग व सर्जरी विभागातील रुग्णांसाठी आलदर हॉस्पिटल हे २४ तास आपल्या सेवेत तयार आहे. गरीब व गरजू रुग्णांनी योजनेचा लाभ घ्यावा असे आवाहन करत सध्या योजनेअंतर्गत गरीब व गरजू रुग्णांचा भरपूर फायदा होत असल्याचे त्यांनी सांगितले.

या शिबिरात शिरभावी गावातील व परिसरातील रुग्णांनी याचा लाभ घेतला. यावेळी डॉ. आलदर , डॉ. स्वाती खंडागळे, डॉ.बिराजदार, एजाज शेख, विजय अवघडे, मुस्कान मणेरी , मोठ्या संख्येने ग्रामस्थ उपस्थित होते. गावकऱ्यांनी डॉ. आलदर व स्टाफचे आभार मानले.