नराळे ग्रामपंचायतीच्यावतीने महिलांचा अभ्यास दौरा उत्साहात संपन्न

सांगोला (प्रतिनिधी):- नराळे ग्रामपंचायतीच्या वतीने १५ व्या वित्त आयोग मध्ये तरतूद करून सांगोला तालुक्यातील नराळे येथील महिलांचा नराळे ते पाटोदा-हिवरे-राहुरी विद्यापीठ असा अभ्यास दौरा नुकताच आयोजित करण्यात आला. प्रारंभी अभ्यास दौरा सरपंच सौ. वैशाली पांडुरंग भोसले यांच्या शुभहस्ते व गावातील मान्यवरांच्या उपस्थितीत करण्यात आला.

महाराष्ट्राचे आराध्य दैवत आई तुळजाभवानी स्मरून शपथ घेतो की, मी माझ्या गावात गावातील नागरिकांशी सौजन्याने व प्रेमाने वागेल. मी कोणत्याही नागरिकांशी भांडण करणार नाही. मी झाडे लावीन व झाडे जगविन. मी स्वतः झाड तोडणार नाही व दुसऱ्याला तोडू देणार नाही.

तसेच मी कोणते व्यसन करणार नाही व दुसऱ्याला करू देणार नाही. गावात काम करणारे अधिकारी कर्मचारी यांना गाव विकास करण्यामध्ये सहकार्य आणि मदत करीन. जय हिंद जय भारत, अशी यावेळी शपथ घेण्यात आली. यावेळी नराळे येथील महिला मोठ्या संख्येने सहभागी झाल्या होत्या.