आलदर हॉस्पिटलच्या वतीने आलदरवाडी (उदनवाडी) येथे मोफत आरोग्य शिबिराचे आयोजन

सांगोला (प्रतिनिधी): सांगोला शहरातील एमडी बालरोग तज्ञ डॉ. महावीर आलदर व आलदर हॉस्पिटल यांच्या संयुक्त विद्यमाने दि. २९ मार्च २०२५ रोजी जि.प.प्राथ.शाळा आलदरवाडी (उदनवाडी) ता. सांगोला येथे दुपारी ९ ते ११ वाजेपर्यंत मोफत आरोग्य तपासणी शिबिराचे आयोजन करण्यात आले आहे.

या शिबिरामध्ये जन्मलेल्या बाळापासून वयाच्या १८ वर्षापर्यंत रुग्ण मोफत तपासले जातील व त्याचबरोबर रुग्णांना मोफत औषधे देखील दिली जातील.

सदर रुग्णांना ऍडमिट करण्याची गरज असल्यास आलदर हॉस्पिटल, एरंडे कॉम्प्लेक्स सांगोला येथे महात्मा ज्योतिराव फुले जन आरोग्य योजना व आयुष्यमान भारत प्रधानमंत्री जन आरोग्य योजनेतून मोफत उपचार केले जातील. तरी सांगोला पंचक्रोशीतील सर्व ग्रामस्थांनी व गरजू नागरिकांनी याचा लाभ घ्यावा. सर्व रुग्णांनी मंगळवार दि.२८ जानेवारी रोजी आपले सर्व जुने रिपोर्ट व फाईल्स् घेवुन जि.प.प्राथ.शाळा आलदरवाडी (उदनवाडी) येथे यावे व मोफत शिबिराचा लाभ घ्यावा तसेच अधिक माहितीसाठी ९०२९०४४००९ या नंबरवर संपर्क साधावा असे आवाहन डॉ. महावीर आलदर यांनी केले आहे.