तालुकास्तरीय स्पर्धेत सावे शाळेचे घवघवीत यश

सांगोला तालुकास्तरीय क्रीडा स्पर्धा बेहरे चिंचोली या ठिकाणी आयोजित केल्या होत्या . स्पर्धेत जिल्हा परिषद प्राथमिक शाळा सावे शाळेच्या लहान गट खो-खो मुली यांनी अंतिम विजय मिळवला .

सदर अंतिम सामना जिल्हा परिषद प्राथमिक शाळा हलदहिवडी विरुद्ध जिल्हा परिषद प्राथमिक शाळा सावे यांच्यात झाला .अतिशय चुरशीच्या या सामन्यात सावे शाळेने विजय मिळवला . तसेच १०० मी धावणे १)रोहित नामदेव जाधव प्रथम २)रोहिणी नामदेव जाधव प्रथम क्रमांक व २०० मी धावणे स्पर्धेत दुर्गादेवी विठ्ठल नलवडे हिने द्वितीय क्रमांक मिळवला . मुख्याध्यापिका खंकाळ मॅडम , जवंजाळ सर , कोळेकर सर , काळे सर , जाधव सर , भोजणे सर , शिंदे मॅडम व क्रीडा शिक्षक घाडगे सर यांचे खेळाडूंना मार्गदर्शन लाभले.

क्रीडा स्पर्धेतील बक्षीस वितरण समारंभ जिल्हा परिषद प्राथमिक शाळा सावे येथे संपन्न झाला समारंभासाठी पंचायत समितीचे माजी उपसभापती संतोष देवकते , सावे गावचे सरपंच शिवाजी वाघमोडे , उपसरपंच संतोष माने , उद्योगपती शाहूराजे मेटकरी ,शाळा व्यवस्थापन समिती अध्यक्ष शंभू माने , शाळा व्यवस्थापन समिती सदस्य ज्ञानेश्वर इमडे , आण्णा माने ,हरिदास बंडगर , पिनू गावडे ,विलास देवकते , बंडू गडदे , महादेव वलेकर , गजानन वाघमारे इ मान्यवर उपस्थित होते . उपस्थित मान्यवरांचे स्वागत व सत्कार करण्यात आला . कार्यक्रमाचे प्रास्ताविक श्री भोजने सर यांनी केले . सूत्रसंचालन श्री संजय काळे सर यांनी केले . सावे गावचे सुपुत्र उद्योगपती शाहूराजे मेटकरी यांनी शाळेस ५०००/- रू किमतीची वाचनालयाची पुस्तके भेट दिली . त्यांनी दिलेल्या योगदानामुळे विद्यार्थ्यांच्या प्रगतीमध्ये नक्कीच भर पडेल . मान्यवरांच्या हस्ते विजेत्या संघाला व विजेत्या खेळाडूला ट्राफी , प्रमाणपत्र व मेडल देण्यात आले . शाहूराजे मेटकरी यांनी धावणे प्रथम आलेल्या विद्यार्थींना प्रत्येकी ५०१/- रु व द्वितीय आलेल्या विद्यार्थ्याना २५१/- रु चे रोख बक्षीस दिले . संतोष देवकते यांनी आपल्या मनोगतामध्ये विजेत्या खेळाडूचे कौतुक केले व पुढील स्पर्धेसाठी शुभेच्छा दिल्या . त्यांनी शालेय गुणवत्ता चांगली असून शिक्षकांच्या कामाविषयी समाधान व्यक्त केले . शंभू माने यांनीही आपले मनोगत व्यक्त केले . शाळेच्या मुख्याध्यापिका खंकाळ मॅडम यांनी उपस्थित मान्यवरांचे आभार मानून कार्यक्रमाची सांगता करण्यात आली.