केंद्र शासनाने जनगणना 2026-27 ची घोषणा केली असून प्रथम टप्प्यांमध्ये घरयादी जनगणना ही दिनांक 16 मे ते 14 जून या दरम्यान करण्यात येणार आहे. याकरिता जनगणना सुरळीत पार पाडण्यासाठी सांगोला नगरपरिषदेने दिनांक 27 एप्रिल ते 29 एप्रिल या दरम्यान प्रगणक व पर्यवेक्षक यांचे प्रशिक्षण पुण्यश्लोक अहिल्यादेवी होळकर सभागृह या ठिकाणी आयोजित केले होते. सदर प्रशिक्षणामध्ये सर्व 84 प्रशिक्षणार्थ्यांनी सहभाग नोंदवला होता. सदरच्या प्रशिक्षणामध्ये जनगणना मोबाईल ॲपच्या माध्यमातून कशा पद्धतीने करावयाचे आहे याबद्दल सविस्तर असे प्रशिक्षण देण्यात आले.
यामध्ये 65 घरयादी गट नगर परिषदेच्या माध्यमातून तयार करण्यात आले असून प्रत्येक गटांमध्ये एक प्रगणक जनगणना करणार आहे. या प्रगणकांना तांत्रिक मदत करण्यासाठी ६ प्रगणक यावर एक सुपरवायझर यांचे नेमणूक करण्यात आली आहे. या प्रशिक्षणामध्ये पहिल्या दिवशी जनगणना ओळख व जनगणना पार्श्वभूमी संदर्भित व्याख्या, घरयादी नकाशा, मोबाईल ॲपचा वापर इ. संदर्भात प्रशिक्षण देण्यात आले. दुसऱ्या दिवशी नागरिकांना विचारण्यात येणाऱ्या प्रश्नांची माहिती व पद्धत याबाबतचे सविस्तर प्रशिक्षण देण्यात आले. व तिसऱ्या दिवशी सर्व प्रगणक व सुपरवायझर यांना प्रत्यक्ष घरांची गणना कशा पद्धतीने करावयाची याबाबत प्रगणक व सुपरवायझर यांच्याकडून प्रायोगिक स्वरुपात शहरातील विविध भागातील घरांची जनगणना करण्यात आली.
यावेळी जनगणना चार्ज ऑफिसर तथा मुख्याधिकारी डॉ. सुधीर गवळी, ॲडिशनल चार्ज ऑफिसर श्री सचिन पाडे, फिल्ड ट्रेनर श्री प्रभाकर कांबळे व श्री योगेश गंगाधरे यांनी प्रगणक व सुपरवायझर यांना प्रशिक्षण दिले.
यंदाची जनगणनेचे वैशिष्ट्य म्हणजे जनगणना डिजिटल पद्धतीने करण्यात येत आहे. त्याचबरोबर स्वगणनाच्या माध्यमातून प्रत्येक नागरिकाला आपल्या कुटुंबाची जनगणना स्वतः करता येणार आहे. यासाठी नागरिकांना दि. 1 मे ते दि. 15 मे च्या मध्यरात्री पर्यंत http://se.census.gov.in या वेबसाईटच्या माध्यमातून स्वगणना करता येईल. जणगणनेसाठी प्रगणक दि. 16 मे ते 14 जून यादरम्यान आपल्या घरी येऊन माहिती घेईल. यावेळी नागरिकांनी स्वगणना केली असल्यास प्राप्त स्वगणना आय-डी प्रगणकास देऊन सहकार्य करावे.
डॉ. सुधीर गवळी
जनगणना चार्ज ऑफिसर तथा मुख्याधिकारी
नगरपरिषद सांगोला
सांगोला परिसर आणि राज्यातील बातम्या आणि माहिती सर्वात प्रथम मिळवण्यासाठी तुमच्या Whatsapp ग्रुपवर 78418 55301 हा आमचा नंबर समाविष्ट करा.
-
'सांगोला लाईव्ह'ला बातम्या व जाहिरात देण्यासाठी आजच संपर्क करा : 78418 55301
-
सोशल मीडियावर फॉलो करा -यूट्यूब, इन्स्टाग्राम आणि फेसबुक
