आलदर हॉस्पिटलच्या वतीने नवरात्री निमित्त मोफत आरोग्य शिबिराचे आयोजन

सांगोला (प्रतिनिधी): सांगोला शहरातील सुप्रसिद्ध बालरोग तज्ञ डॉ. महावीर आलदर यांच्या आलदर हॉस्पिटलच्यावतीने नवरात्री महोत्सव निमित्त १ ऑक्टोबर २०२५ रोजी जिल्हा परिषद प्राथमिक शाळा,गोडसे वाडी ( कमलापूर) ता. सांगोला, येथे सकाळी ११ ते १ वाजेपर्यंत मोफत शिबिराचे आयोजन करण्यात आले आहे.

या शिबिरामध्ये जन्मलेल्या बाळापासून वयाच्या १८ वर्षापर्यंत रुग्ण मोफत तपासले जातील व त्याचबरोबर रुग्णांना मोफत औषधे देखील दिली जातील.

सदर रुग्णांना ऍडमिट करण्याची गरज असल्यास आलदर हॉस्पिटल, एरंडे कॉम्प्लेक्स सांगोला येथे महात्मा ज्योतिराव फुले जन आरोग्य योजना व आयुष्यमान भारत प्रधानमंत्री जन आरोग्य योजनेतून मोफत उपचार केले जातील. तरी कमलापूर पंचक्रोशीतील सर्व ग्रामस्थांनी व गरजू नागरिकांनी याचा लाभ घ्यावा. सर्व रुग्णांनी बुधवार दि. १ ऑक्टोबर रोजी आपले सर्व जुने रिपोर्ट व फाईल्स् घेवुन जिल्हा परिषद प्राथमिक शाळा, गोडसेवाडी, कमलापूर येथे यावे व मोफत शिबिराचा लाभ घ्यावा तसेच अधिक माहितीसाठी ९०२९०४४००९ या नंबरवर संपर्क साधावा असे आवाहन डॉ. महावीर आलदर यांनी केले आहे.